有時真係唔知自己啲post有冇意義
因為世上太多冇自知之明嘅人，佢哋睇完都唔會get到嘢甚至get錯晒
而有自知之明嘅人就根本唔需要睇啲咁嘅嘢
例如上上個post講嗰兩種fucked up嘅人（一種係唔抵可憐嘅負能樣，一種係值得體諒嘅受害者）
完全想像到好多前者會以為自己係後者，繼續大條道理咁情緒勒索人/拖人陪自己墮落；
有啲後者就會好怕自己係前者，於是逼到自己更緊，更加唔敢好好釋放情緒。
又例如上個post，可能有啲自我中心同懷才不足嘅煩膠以為自己係高敏到冇人明；而啲低敏到完全唔識察言觀色嘅柒頭又以為自己平日得罪人多係因為人哋小心眼/活喺自己世界。敏感、有才能同有自省能力嘅人可能根本唔需要睇呢啲post就知自己應該要點做。
所以其實都唔期望自己可以inspire到幾多人，只係諗到就噏下，for有相同諗法嘅人同我圍下爐，如果有0.1%人睇完覺得幫到自己諗通少少嘢都已經會超級開心🙏🏻
Search